03 июня 2016 г.
Сёлета 26 красавіка мінае 30 год з дня вялікай і маштабнай тэхнагеннай катастрофы ў гісторыі чалавецтва – аварыі на Чарнобыльскай АЭС. Яна стала агульнай бядой трох славянскіх народаў.
Чарнобыльская катастрофа падзяліла жыццё і час на дзве эпохі: да і пасля Чарнобыля. Гэтая бяда-трагедыя жыве ў памяці нашага народа, адгукаецца ў сэрцах многіх людзей смуткам і болем.
З гэтай нагоды ва ўстанове адукацыі 02.06.2016 году прайшло мерапрыемства, прысвечаннае гэтай даце “Будзе, будзе да скону мне Чарнобыль балець..”. Яго падрыхтавала настаўніца беларускай мовы і літаратуры Рагуля Людміла Федараўна і настаунікам гісторыі Кажадубам Валерыям Віктаравічам з вучнямі першага курсу.
Вучні чыталі вершы пра родную Беларусь, Чарнобыльскую катастрофу, расказвалі пра падзеі 26 красавіка 1986 года. Усё мерапрыемства суправаджала сумная мелодыя, гукі выбуху і разбітага шкла, каб яшчэ болей паўплываць на слухачоў і гледачоў мерапрыемства і нікога не пакінуць абыякавым да гэтай трагедыі.
Жыццё дало нам жорсткі ўрок. І кожны павінен вынесці з яго вельмі важную выснову: мы – гаспадары свайго лёсу, а гэта значыць – гаспадары жыцця і Зямлі. І трэба жыць, каб больш ніхто і ніколі не адчуў такога болю. Трэба не дапусціць ператварэння зямлі ў бясконцую пустыню, над якой гаспадарыць горкі пах палыну.